Estynwyd
groeso cynnes i bawb.
Datgan Buddiant:
• Nawdd Canolfan
Bronyfoel: Gwilym Vaughan Thomas
• Nawdd Clwb Pêldroed Bontnewydd: Jason
Hunt
• Nawdd Ysgol Sul Glanrhyd: Bethan Williams
Cadarnhawyd y cofnodion o’r cyfarfod diwethaf
(22.02.06).
Materion yn Codi
• Cynllun Uwchgwyrfai – angen ysgrifennu at Cymad
a Chyngor Gwynedd yn cwyno am safon y gwaith sydd wedi’i
wneud ar y gridiau, a nodi fod angen ‘reflectors’ arnynt.
Nodwyd fod giât wedi’i dwyn ar Lôn
Wen fisoedd yn ôl ac nad ydy wedi’i hail-osod.
Hefyd angen gosod y grid yng Ngharmel.
• Plac Graianfryn a Capel Bach. Clerc wedi siarad efo
Gareth V.Roberts o Gyngor Gwynedd a’i hysbysodd
fod plac Graianfryn bellach wedi’i gwblhau a’i
fod yn Brunswick yn cael ffrâm. Angen cysylltu
efo Wyn Williams i ofyn wrtho osod y plac ar safle Capel
Bach.
• Cais Cronfa Gwella Gwynedd – cais i wella llwybrau’r
rheilffordd - ffurflen wedi’i chwblhau, a’r
clerc yn mynd i’w hanfon ymlaen.
• Adroddiad Prifysgol Bangor ar yr henoed – adroddiad
ac yn nodi fod bwriad i drio cadw’r henoed yn eu
cynefin cyn hired a phosib, a nodi nad ydy cynllun trefol
bob amser yn gweddu i ardal wledig fel Gwynedd. Nododd
y cadeirydd fod yr adroddiad, yn ei thyb hi, yn mynd
i’r cyfeiriad iawn.
• Aelodau wedi sylwi fod papur y Caernarfon & Denbigh
yn tueddu i adlewyrchu newyddion ardaloedd eraill yn
hytrach nag Arfon. Angen llythyr atynt i ofyn pam.
• Llwybr troed rhwng Aberalaw a Trem Don heb ei glirio – angen
atgoffa’r Adran Briffyrdd.
• Dwr yn gorlifo yn y ‘manhole’ ger Bro Cadfan.
Adroddodd y clerc fod swyddog o Gwmni Daniel wedi ymweld â’r
safle, ac wedi nodi nad oedd problem ar y diwrnod hwnnw,
ond ei fod yn nodi hefyd fod y gwter yn fâs iawn
ac na fyddai’n gallu derbyn lot fawr o ddwr. Angen
cadw golwg ar y sefyllfa.
• Pryderon ynglyn â’r ffordd rhwng Rhosgadfan
a Rhostryfan – angen atgoffa’r Adran Briffyrdd
am lythyr a ddanfonwyd beth amser yn ôl, ac at
eu hymateb hwythau bryd hynny.
• Post Office Card Accounts (POCA) – nodwyd fod
bwriad i stopio talu budd-daliadau yn y Swyddfeydd Post
lleol yn y dyfodol. Angen lobïo yn erbyn hyn er
mwyn ceisio cadw’r swyddfeydd post gwledig yn agored.
Angen ysgrifennu at Hywel Williams AS ac at Alun Ffred
Jones AC i geisio atal hyn rhag digwydd.
• Safleoedd Ail-Gylchu – angen gwneud cais eto i’r
Cyngor Sir baratoi safloedd – o dan Ffridd Terrace,
Rhosgadfan, o dan Glanrafon, Rhostryfan ac ar faes parcio
wrth fynedfa Lôn Eifion.
• Safle Wê ar gyfer Cyngor Llanwnda – nododd
y clerc ei bod bellach yn anfon cofnodion o’r cyngor
i safle Antur Nantlle. Angen cysylltu efo’r Cyngor
Sir i weld os oes linc ar gael i Llanwnda.
• Giatiau’r fynwent – nododd y clerc ei bod
wedi atgoffa cwmni D.J.Williams i gael trwsio’r
giatiau yn fuan.
• Lampau stryd – roedd y clerc wedi cael cyfarfod safle gyda Nigel Hardwidge
o Gyngor Gwynedd, ac roedd wedi paratoi adroddiad a phris ar bob safle. Roedd
gosod lamp ger Terfyn a safle rhwng Penyceunant a Tan yr Ardd yn costio oddeutu £9,000
am y ddwy. Nodwyd hefyd fod codi lamp ger y grid wrth ymyl Muriau yn mynd i
gostio tua £7,000 a lamp ger Bron Eryri yn mynd i gostio tua £350
(gan fod polyn eisoes yn bodoli). Cytunwyd i archebu un lamp ar gyfer Bron
Eryri yn unig, gan fod yr aelodau’n teimlo fod y gweddill yn rhy ddrud.
• Arwyddion arafu – Rhostryfan. Nododd y clerc fod
y polyn ar gyfer yr arwydd eisoes wedi’i osod a
bod bwriad i osod yr arwydd yn fuan. Angen gwneud cais
i’r Cyngor Sir am ddau arwydd yn Rhosgadfan, a
cheisio cael un arall yn Rhostryfan. Os nad yw’r
Cyngor Sir yn fodlon eu prynu, efallai y gallai Cyngor
Llanwnda eu prynu’n uniongyrchol.
• Materion cyflogaeth clerc – datganodd y clerc
fuddiant a gadawodd y cyfarfod. Penderfynwyd codi oriau’r
clerc o 31 i 50 y mis, yn unol â chanllawiau Un
Llais i Gymru. Hefyd, penderfynwyd talu £150 y
flwyddyn fel tâl am ofalu am y fynwent. Dychwelodd
y clerc i’r cyfarfod. Nodwyd ei bod yn bwysig fod
y Cyngor yn ystyried clerc fel cyflogai ac nid fel person
hunan-gyflogedig. Angen trefnu is-bwyllgor cyllid a gweinyddol
i wneud y trefniadau perthnasol, ar ôl i’r
clerc gael mwy o wybodaeth.
• Neuadd Llanwnda – angen talu £1,000 fel
yr addewid. Nodwyd fod angen ysgrifennu yn datgan pe
bai’r cynllun yn methu fod ad-daliad llawn i’r
cyngor yn daladwy.
Penderfynwyd rhoi nawdd i’r
canlynol:
• Cwmni’r Frân
Wen
• Ysgol Sul Glanrhyd
• Clwb Pêl Droed Ieuenctid Bontnewydd
• Theatr Bara Caws
• Uned Bronyfoel
• Lleu
Penderfynwyd peidio rhoi nawdd
i’r canlynol gan nad oeddynt wedi anfon mantolen
(angen ysgrifennu i nodi hyn wrthynt):
• Cais
• Cyfeillion Cerdd
• Sefydliad Aren Cymru
• Eisteddfod Llangollen
• Eisteddfod Genedlaethol (angen gofyn am fantolen o’r
Faenol)
Materion Cynllunio
• Bryn Rhedyn, Llanwnda – trosi
adeilad amaethyddol yn fyngalo. Dim gwrthwynebiad.
• Nodwyd fod copi o’r Cynllun Datblygu Unedol wedi
mynd ar goll gan un o’r aelodau. Clerc i drefnu
ein bod yn cael copi newydd.
• Amserlen Ymgynghoriad.
• Ynglyn â chais cynllunio Bryn Coch o’r mis
diwethaf, nododd y clerc ei bod wedi derbyn galwad ffôn
gan wrthwynebydd i’r cais yn nodi ei fod wedi bod
yn y Swyddfa Gynllunio ac wedi cael ar ddeall nad oedd
Cyngor Llanwnda wedi rhoi eu sylwadau ar y mater. Nododd
y clerc ei bod wedi anfon e-bost ar y 27ain o Chwefror,
ac ei bod wedi derbyn e-bost yn ôl gan yr Adran
fel cydnabyddiaeth. Wrth holi ymhellach, rhoddwyd gwybod
i’r clerc fod yr e-bost ‘heb ei ffeilio’ pan
ddaru’r gwrthwynebydd ymweld â’r Adran.
Angen anfon llythyr i’r Adran yn datgan ein pryderon
nad ydy sylwadau’r Cyngor Cymuned yn cael sylw
teg.
Gohebiaeth
• Cynulliad – rheolau
statudol
• North Wales Playing
Fields Association
• Bwletin Gwynedd Yfory – holiadur
• Safloedd parcio yng Ngwynedd – dim
yn Llanwnda
• Arfon Jones – contractiwr
• Dewi Tomos – byrddau gwybodaeth ar y tir comin.
Cwyno fod y byrddau mewn cyflwr gwael, a fod angen rhoi
gwybod i Cymad nad oedd y gwaith o’r safon gorau.
• HSBC – nodi fod costau cadw gweithredoedd y fynwent
wedi codi i £18.00. |
