"nantlledoku"

Pôs Rhif 10 ~ Mai 2008

Croeso i 'nantlledoku', gêm Sudoku Dyffryn Nantlle.

Dyma le i chi ymarfer ychydig ar yr ymenydd gan geisio datrys ein posau. Mae nantlledoku yn her sy'n magu sgiliau rhesymeg ac ymresymiad, ac yn gêm sy'n hwyl i'w chwarae.

Byddwn yn ychwanegu pôs newydd bob mis, felly galwch yn ôl yn aml i geisio eich lwc gyda'r un diweddaraf.

Bydd rhai yn weddol hawdd a rhai eraill bron yn amhosib. Y cwestiwn mawr ydi - allwch chi ddatrys bob un a dod yn feistr ar nantlledoku?

Cliciwch unwaith ar y grid i gychwyn y gêm    

Chwarae

  •  Cliciwch eich llygoden ar y blwch lle rydych eisiau ychwanegu rhif, a gwnewch hynny gan ddefnyddio'r botymau rhif 1-9 ar eich allweddfwrdd.

  •  Gallwch ddileu unrhyw gamgymeriad efo'r botwm 'Backspace' neu 'Delete' ar eich allweddfwrdd.

  •  Wedi i chi orffen y pôs, pwyswch y botwm 'Gwirio' i weld os oedd eich ateb yn gywir.

  •  Bydd unrhyw gamgymeriadau yn cael eu dangos mewn lliw coch, a phob ateb cywir yn wyrdd.

  •  I ennill, mae'n rhaid i chi gael y blychau i gyd yn gywir ac yn wyrdd.

Cymorth

  •  I'r rhai ohonoch sy'n cael trafferth, gallwch bwyso'r botwm 'Awgrym' am ychydig o gymorth.

  •  I'r rhai sy'n trio drosodd a throsodd ond yn dal i fethu - peidiwch a chrio! Yn hytrach, pwyswch y botwm 'Ateb' i weld yr ateb cywir. (Nodyn: Difetha eich mwynhâd o'r gêm mae hyn wrth ei wneud yn rhy fuan ac yn rhy aml, felly triwch eich gorau cyn mynd at y botwm yma.)

Rheolau

Y syniad yw i chi lenwi'r grid fel bod bob rhes, bob colofn, a phob blwch 3x3 yn cynnwys y rhifau 1-9.

  •  Ni all unrhyw un o'r rhesi gynnwys yr un rhif fwy nag unwaith.
  •  Ni all unrhyw un o'r colofnau gynnwys yr un rhif fwy nag unwaith.
  •  Ni all unrhyw un o'r blychau 3x3 gynnwys yr un rhif fwy nag unwaith.