Mai 14 – 21, 2005
Aeth
yr
helyw o’r elw eleni i Ward Alaw Ysbyty Gwynedd ac Uned
Cancr Ysbyty Glan Clwyd.
Dydd Sadwrn 14
Reid feics noddedig ym Mhen
Llŷn
Fe godwyd dros £3,000 gan ein beicwyr ‘ffit’ a
ffyddlon wrth iddynt fynd ar daith 40 milltir o Benygroes
hyd at Lanaelhaearn, ymlaen i Nefyn a Phwllheli lle
cafwyd stop am ginio hynod o flasus wedi ei baratoi
gan Gwennie. Ymlaen wedyn i ymweld ag un o ŵyr
enwog Penygroes sydd bellach yn berchen Tafarn y Plu
yn Llanystumdwy sef Ian Parri, cyn padlo ymlaen i Fryncir
ac yn ôl i Benygroes. Roedd yr haul yn gwenu
ar hyd y ffordd ac roedd gwres yn y croeso a gafwyd
yn y Goat ar ddiwedd y daith.
Dydd Sul 15
Twrnament Bowlio
Diwrnod heulog eto i’r Twrnament Bowlio a’r
barbiciw yn werth ei gael. Diolch i aelodau’r
Clwb am eu cefnogaeth a llongyfarchiadau i Alan a Jonathan
ar eu llwyddiant.
Dydd Llun 16
Disgo yn Neuadd Goffa Penygroes
i’r plant ieuengaf
Roedd llond y Neuadd Goffa o blant bywiog yn mwyhau’r
Disgo nos Lun.
Noson Grwpiau Roc i bobl ifanc
Dydd Mawrth 17
Helfa Drysor o amgylch Penygroes
Ar nos Fawrth hyfryd o Wanwyn roedd dros gant o bobl
a phlant yn crwydro strydoedd Penygroes yn ceisio datrys
cliwiau helfa drysor Elwyn.
Dydd Iau 19
Talwrn y Beirdd yn Neuadd
Goffa Penygroes, a Chwis yn Nhafarn y Goat
Ni lwyddodd y glaw i atal hwyl y Talwrn nos Iau gyda
Mei Mac yn Feuryn teg iawn. Roedd y trefniadau eleni
unwaith eto fel ag yn y deng mlynedd diwethaf, dan
law ffyddlon ein Haelod Cynulliad Alun Ffred Jones.
Hen sefydliad bellach hefyd ydyw Cwis Tafarn Gŵyl
Fai dan ofal yr arch gwis feistr Dewi Rhys. Roedd 10
tîm yn cystadlu ar y noson a dim ond un neu ddau
o’r cystadleuwyr gafodd ‘gerdyn melyn’.
Dydd Gwener 20
Noson Lawen gyda phlant ysgolion
y Dyffryn
Nos Wener yn neuadd Ysgol Dyffryn Nantlle roedd plant
ysgolion y Dyffryn ar eu gorau yn diddanu’r gynulleidfa
dan arweinyddiaeth Ifan Glyn Jones. Dafydd Wigley oedd
llywydd y noson.
Dydd Sadwrn 21
Sbri yn Sgwar y Farchnad Penygroes
Band / gwisg ffansi / stondinau / gweithgareddau.
Cymysglyd oedd y tywydd bore Sadwrn i’r Sbri
ond cafwyd cefnogaeth dda i’r gweithgareddau
ac roedd digon o le yn y neuadd i’r stondinwyr.
Cian wedi gwisgo fel Nodi ac Eben fel eliffant oedd
enillwyr gwobrau’r gystadleuaeth gwisg ffansi
- dewis anodd i’r beirniad Mari Gwilym.
Diolch i Pictiwrs Penygroes am gynnal noson ac hefyd
i staff y Llyfrgell am drefnu nifer o weithgareddau
yn ystod yr wythnos oedd yn cynnwys ymweliad Bethan
Gwanas am sgwrs a phaned yn y llyfrgell a chystadlaethau
amrywiol i blant.
Diolch i bawb arall sydd wedi cyfrannu mewn unrhyw
fodd i’r Ŵyl a sicrhau llwyddiant eleni
eto. Os oes gennych syniadau ar gyfer y flwyddyn nesaf
neu am ymuno a’r pwyllgor cysylltwch â Wena
ar 01286 881103. |
