Digwyddiadau
Ionawr - Mawrth 2007: Uwch Adran Dyffryn Nantlle
Noson Ffitrwydd gyda Meilir
Owen
Nos Fawrth 23 Ionawr, 2007
cynhaliwyd sesiwn ffitrwydd gyda Meilir Owen, cyn athro
ymarfer corff Ysgol Syr Hugh Owen a chyn chwaraewr peldroed
sydd erbyn hyn yn sylwebu ar gemau peldroed i BBC Radio
Cymru.
Rhanwyd y bobl ifanc yn ddau
dîm, sef tîm Sara a tîm Erin a bu’r ddau dîm yn brwydro
am dros awr yn chwarae gemau ffitrwydd. Fel y gwelir
o’r lluniau fe gafwyd nifer o ymarferion a gemau, ac
ar ôl gornest agos iawn roedd y ddau dîm gyda 9 pwynt
yr un ar y diwedd.
Roedd Meilir wedi gweithio
pawb yn galed tu hwnt ac erbyn 8.30 roedd pawb wedi blino
yn lân, ond pawb wedi mwynhau yn fawr iawn.
Noson "Neud dim byd mwy neu
lai"
Nos Fawrth 30 Ionawr, 2007
cynhaliwyd sesiwn "Neud dim byd mwy neu lai" yn Uwch
Adran Dyffryn Nantlle.
Ar ôl trafodaeth ynglyn â’r
Steddfod, y Celf a Chrefft a llawer o bethau diflas eraill
penderfynodd y genod mai gwrando ar CD’s fyddai’r peth
gorau er mwyn ymlacio ychydig. Ymlacio – na!!! Am bron
i awr aeth y genod yn wallgo!!!! Gyda’i dawnsio disgo
ac ymarferion rhyfedd eraill!!! Erbyn diwedd y noson
roedd pawb wedi blino yn llwyr - ond y penderfyniad wnaed
oedd bod "Noson neud dim byd mwy neu lai" arall yn mynd
i gael ei gynnal yn fuan iawn!!
Gweithdy HIV/AIDS gan Griw'r
Ffynnon, Bangor
Nos Fawrth 6 Chwefror, 2007
daeth tri o bobl ifanc, sy’n cymryd rhan mewn prosiect
ar y cyd rhwng Cymorth Cristnogol, Gwerin y Coed a’r
Urdd i’r Uwch Adran i gynnal gweithdy ar HIV/AIDS, ynghyd
a Branwen Niclas, Swyddog Ieuenctid Cymorth Cristnogol
yn y Gogledd. Prosiect yw hwn sy’n annog pobl ifanc i
ddatblygu syniadau ar wahanol bynciau ac yna rhannu’r
wybodaeth gyda phobl ifanc eraill. Hwn oedd y cyfle cyntaf
i’r tri gyflwyno gweithdy.
Ar ddechrau’r gweithdy fe
wnaeth Shauna, Meredyth a Cai, sef y bobl ifanc o’r prosiect,
chwarae gêm gyda phobl ifanc yr Uwch Adran i ddarganfod
faint yn union o wybodaeth oedd ganddynt am HIV/AIDS.
Canlyniad y gêm oedd nad oedd ganddynt fawr ddim o wybodaeth.
Yn dilyn hyn cafwyd nifer o gyflwyniadau byr ar wahanol
agweddau o HIV/AIDS gan y tri, gan gyflwyno’r neges mewn
ffordd ddealladwy a chlir. Ar ddiwedd y gweithdy chwaraewyd
yr un gêm ac ar y cychwyn, ac yn amlwg mae’r ffordd hon
o godi ymwybyddiaeth pobl ifanc ar faterion megis HIV/AIDS
yn gweithio oherwydd aeth y gêm ymlaen ac ymlaen. Ar
ddiwedd y sesiwn roedd gwybodaeth Llew a Haf am y pwnc
yn amlwg yn eang iawn ac fe roedd yn rhaid penderfynu
mai cyfartal oedd y ddau. Y wobr i Llew a Haf am ennill
oedd siocled Masnach Deg - pwnc arall mae’r grŵp hwn
yn ei gyflwyno. Cyflwynwyd pobl ifanc yr Uwch Adran gyda
rhuban "Diwrnod Rhyngwladol AIDS", gwahanol bamffledi,
balŵns a.y.b.
Celf a Chrefft
Nos Fawrth 27 Chwefror, 2007
cynhaliwyd sesiwn Celf a Chrefft er mwyn paratoi ar gyfer
yr Eistedddfod. Daeth Ann Fôn draw i gynnal noson a bydd
yn dychwelyd yr wythnos nesaf er mwyn mynd ymlaen a’r
gwaith.
Cyn dechrau ar y sesiwn Celf
fe wnaeth criw Blwyddyn 8 benderfynnu eu bod am gynnal
sesiwn canolbwyntio, felly, fel y gwelir yn y llun, aethpwyd
ati i chwarae gêm "Zip, Zap a Bob", ond doedd Elin ddim
yn dda iawn yn chwarae’r gêm felly penderfynwyd dechrau
ar y sesiwn Celf. Treuliwyd awr gyfan yn meddwl am syniadau,
yn darllen y gerdd drosodd a drosodd, edrych ar luniau
a chwilio am ddehongliad o’r thema – sef cerdd Mererid
Hopwood "Fy Ngwlad" ac o’r diwedd penderfynodd pawb pa
gyfrwng y byddant yn canolbwyntio arno yr wythnos nesaf.
Celf a Chrefft 2
Nos Fawrth 6 Mawrth, 2007
cynhaliwyd ail sesiwn Celf a Chrefft er mwyn paratoi
ar gyfer yr Eistedddfod. Daeth Eirian Muse draw i gynnal
noson a bydd yn dychwelyd yr wythnos nesaf er mwyn cwblhau’r
gwaith. Yn anffodus doedd Ann Fôn methu cyrraedd mewn
pryd, felly bydd hithau hefyd yn dod i gwblhau’r gwaith
yr wythnos nesa.
Fe fuodd pawb yn brysur am
bron i ddwy awr yn creu gemwaith allan o boteli plastig,
ac yna eu haddurno ar sail y themau sef "Fy Ngwlad".
Penderfynodd un neu ddwy greu caligraffi ar y thema,
a penderfynodd Grug ei bod am gystadlu yn yr adran ffotograffeg
a chreu cyfres o luniau ar y thema. Fel y gwelwch yn
y lluniau bu’r genod yn gwisgo a pherfformio nifer o
wahanol ddelweddau ar thema "Fy Ngwlad".
Celf a Chrefft 3
Nos Fawrth 13 Mawrth, 2007
cynhaliwyd sesiwn olaf Celf a Chrefft er mwyn cwblhau’r
cynyrch ar gyfer yr Eistedddfod. Daeth Eirian Muse unwaith
eto draw a heno yn ogystal a chwblhau’r gemwaith a’r
caligraffi bu nifer o’r bobl ifanc yn argraffu ar ffabrig
ac yn gwneud collage.
Bu’r criw yn gweithio yn galed
unwaith eto yr wythnos yma a bob lwc i bawb yng Nghelf
a Chrefft Cylch Dyffryn Nantlle nos Wener. Bu Grug hefyd
yn gorffen tynnu llyniau’r aelodau ar gyfer y gystadleuaeth
ffotograffeg, ac fel y gwelwch unwaith eto yr wythnos
hon fe gafodd pawb lawer iawn o hwyl.
Rhagor o wybodaeth
Os am fwy o fanylion o unrhyw weithgareddau’r
Urdd yn Nyffryn Nantlle, cysylltwch a Sulwen Roberts
ar sulwen@urdd.org neu 07780
633971.
Gweler hefyd Wefan
Swyddogol Urdd Gobaith Cymru  . |
